សាលារៀនសុវណ្ណភូមិបើកបវេសនកាលថ្មីឆ្នាំសិក្សា​ ២០១៥-២០១៦ ព្រមទាំងប្រគល់សញ្ញាបត្រ  និងបណ្ណសរសើរដល់សិស្សឆ្នើមប្រចាំឆ្នាំរបស់ខ្លួន  កាលពីព្រឹកថ្ងៃទី ០៤ ខែ កញ្ញា ឆ្នាំ២០១៥ សាលារៀនសុវណ្ណភូមិ​​បានប្រារព្ធពិធីបើកបវេសនកាលឆ្នាំសិក្សាថ្មី២០១៥- ២០១៦​និងប្រគល់បណ្ណសរសើរដល់សិស្សឆ្នើមប្រចាំឆ្នាំ ក្រោមអធិបតីភាពដ៏ខ្ពង់ខ្ពស់៖          លោកឧកញ៉ា ជា ធីឡាយ​ អគ្គនាយក អ៊ិន ធី ស៊ី​​ គ្រុប                                       លោក ឃឹម​ ផុន​ ប្រធាននាយកប្រតិបត្តិ អ៊ិន ធី ស៊ី​ គ្រុបលោក ស៊ី វណ្ណា ប្រធានគ្រប់គ្រងសាលាញូវតុនធីឡាយ​​​​ និងសាលារៀនប្រ៊ិជតុនថ្នាក់ដឹកនាំ អ៊ិន ធី ស៊ីគ្រុប និង ថ្នាក់ដឹកនាំសាលារៀនសុវណ្ណភូមិ លោកគ្រូ-អ្នកគ្រូ និងអាណាព្យាបាលសិស្ស និងសិស្សានុសិស្សទាំងអស់។          លោកឧកញ៉ា ជាធីឡាយ អគ្គនាយក អ៊ិន ធី ស៊ី​ គ្រុប  បានមានប្រសាសន៍ក្នុងឱកាសនោះថា វត្ថុមួយដ៏មានតម្លៃបំផុតដែលយើងទាំងអស់គ្នាអាចផ្តល់ទៅឲ្យបុត្រធីតារបស់យើងបាននោះគឺជាការអប់រំដ៏ល្អ។ នៅសាលារៀនសុវណ្ណភូមិ សិស្សានុសិស្សទាំងអស់ មិនត្រឹមតែទទួលបាននូវចំណេះវិជ្ជាដ៏ ថ្លៃថ្លាតែមួយមុខប៉ុណ្ណោះទេ  ប៉ុន្តែពួកគេថែមទាំងទទួលបាននូវការអប់រំអំពី  សុជីវធម៌  សីលធម៌ ការគោរព ការឲ្យតម្លៃគ្នាទៅវិញទៅមក និងជំនាញផ្សេងៗទៀតដូចជា បច្ចេកវិទ្យាកុំព្យូទ័រ សិល្បៈ កីឡា ភាពជាអ្នកដឹកនាំ និងគុណធម៌នៅក្នុងសង្គម...Read More