ស្ថាប័នអប់រំ អុិន ធី ស៊ី គ្រុប និងសាកលវិទ្យាល័យ 𝐖𝐞𝐬𝐭𝐞𝐫𝐧 𝐒𝐲𝐝𝐧𝐞𝐲 នៃប្រទេសអូស្ត្រាលី បានប្រារព្ធពិធីចុះអនុស្សរណៈយោគយល់គ្នាក្នុងគោលដៅយុទ្ធសាស្រ្តអភិវឌ្ឍរួមគ្នា រយៈពេល៥ (ប្រាំ)ឆ្នាំ នៅការិយាល័យកណ្តាលរបស់ ស្ថាប័នអប់រំ អុិន ធី ស៊ី គ្រុប ក្រោមវត្តមានដ៏ខ្ពង់ខ្ពស់របស់លោកឧកញ៉ា ជា ធីឡាយ ជាអគ្គនាយក និងស្ថាបនិកនៃស្ថាប័នអប់រំ អ៊ិន ធី ស៊ី គ្រុប និងលោក Dimitri Makris ជាតំណាងដ៏ខ្ពង់ខ្ពស់ពីសាកលវិទ្យាល័យ Western Sydney ប្រទេសអូស្ត្រាលី ព្រមទាំងថ្នាក់ដឹកនាំគ្រប់ជាន់ថ្នាក់ លោកគ្រូ-អ្នកគ្រូ និងសិស្សានុសិស្សពីស្ថាប័នអប់រំទាំងពីរ។ស្ថាប័នអប់រំ អុិន ធី ស៊ី គ្រុប គឺជាស្ថាប័នអប់រំដំបូងគេបង្អស់នៅកម្ពុជាដែលបានចាប់ដៃគូជាមួយនឹងសាកលវិទ្យាល័យ Western Sydney នៃប្រទេសអូស្ត្រាលី ដើម្បីពង្រឹងវិស័យអប់រំនៅកម្ពុជា និងពង្រីកកិច្ចសហប្រតិបត្តិការរវាងវិស័យអប់រំនៅកម្ពុជា និងប្រទេសអូស្ត្រាលីឱ្យមាននិរន្តរភាព ដោយស្របនឹងគោលដៅយុទ្ធសាស្រ្តក្នុងការអភិវឌ្ឍរួមគ្នាដែលផ្តល់ផលប្រយោជន៍ឱ្យគ្នាទៅវិញទៅមក ជាពិសេសគឺឱកាសអាហារូបករណ៍ដល់សិស្សានុសិស្សដែលទទួលបានជ័យលាភី ក្នុងការប្រឡងសញ្ញាបត្រមធ្យមសិក្សាទុតិយភូមិទាំងអស់នៃស្ថាប័នអប់រំ អុិន ធី ស៊ី គ្រុប ដើម្បីបន្តក្តីស្រមៃរបស់ពួកគេទៅសិក្សាថ្នាក់បរិញ្ញាបត្រកម្រិតអន្តរជាតិនៅសាកលវិទ្យាល័យ 𝐖𝐞𝐬𝐭𝐞𝐫𝐧 𝐒𝐲𝐝𝐧𝐞𝐲
ប្រទេសអូស្ត្រាលី ហើយក៏ជាឱកាសក្នុងការចុះកម្មសិក្សា និងទទួលបានការបណ្តុះបណ្តាលដល់ថ្នាក់ដឹកនាំ បុគ្គលិកអប់រំ លោកគ្រូ អ្នកគ្រូនៃស្ថាប័នអប់រំ អ៊ិន ធី ស៊ី គ្រុបនៅប្រទេសអូស្ត្រាលី។
